ਦਿੱਲੀ-ਮੁੰਬਈ ਰੇਲ ਮਾਰਗ 'ਤੇ ਵੱਡਾ ਹਾਦਸਾ: ਹਜ਼ਰਤ ਨਿਜ਼ਾਮੂਦੀਨ ਰਾਜਧਾਨੀ ਐਕਸਪ੍ਰੈਸ ਦੇ ਦੋ ਕੋਚਾਂ ਵਿੱਚ ਲੱਗੀ ਭਿਆਨਕ ਅੱਗ, ਮਚੀ ਭਾਜੜ

ਨਵੀਂ ਦਿੱਲੀ: ਦਿੱਲੀ ਨਿਜ਼ਾਮੂਦੀਨ ਵੱਲ ਜਾ ਰਹੀ ਰਾਜਧਾਨੀ ਐਕਸਪ੍ਰੈਸ (12431) ਦੇ ਦੋ ਕੋਚਾਂ (ਡੱਬਿਆਂ) ਵਿੱਚ ਐਤਵਾਰ ਸਵੇਰੇ ਅੱਗ ਲੱਗਣ ਕਾਰਨ ਭਾਜੜ ਮਚ ਗਈ। ਇਹ ਘਟਨਾ ਆਲੋਟ-ਵਿਕਰਮਗੜ੍ਹ ਰੇਲਵੇ ਸਟੇਸ਼ਨ ਦੇ ਵਿਚਕਾਰ ਵਾਪਰੀ। ਅੱਗ ਲੱਗਣ ਤੋਂ ਬਾਅਦ ਦਿੱਲੀ-ਮੁੰਬਈ ਰੇਲ ਮਾਰਗ 'ਤੇ ਰੇਲਾਂ ਦੀ ਆਵਾਜਾਈ ਪ੍ਰਭਾਵਿਤ ਹੋ ਗਈ ਅਤੇ ਕਈ ਰੇਲਗੱਡੀਆਂ ਨੂੰ ਵੱਖ-ਵੱਖ ਸਟੇਸ਼ਨਾਂ 'ਤੇ ਰੋਕਣਾ ਪਿਆ। 

ਮੁੱਢਲੀ ਜਾਣਕਾਰੀ ਅਨੁਸਾਰ, ਤ੍ਰਿਵੇਂਦਰਮ ਤੋਂ ਹਜ਼ਰਤ ਨਿਜ਼ਾਮੂਦੀਨ ਜਾ ਰਹੀ ਰਾਜਧਾਨੀ ਐਕਸਪ੍ਰੈਸ ਰਤਲਾਮ ਤੋਂ ਰਵਾਨਾ ਹੋਈ ਸੀ। ਸਵੇਰੇ ਕਰੀਬ 5:30 ਵਜੇ ਲੂਣੀ-ਵਿਕਰਮਗੜ੍ਹ ਦੇ ਵਿਚਕਾਰ ਟ੍ਰੇਨ ਦੇ ਬੀ-1 (B-1) ਕੋਚ ਵਿੱਚ ਅੱਗ ਲੱਗ ਗਈ। ਗਾਰਡ ਨੇ ਤੁਰੰਤ ਲੋਕੋ ਪਾਇਲਟ (ਡਰਾਈਵਰ) ਨੂੰ ਸੂਚਨਾ ਦਿੱਤੀ, ਜਿਸ ਤੋਂ ਬਾਅਦ ਟ੍ਰੇਨ ਨੂੰ ਤੁਰੰਤ ਰੋਕਿਆ ਗਿਆ।

ਰੇਲਵੇ ਕਰਮਚਾਰੀਆਂ ਨੇ ਮੁਸਤੈਦੀ ਦਿਖਾਉਂਦੇ ਹੋਏ ਕਰੀਬ 68 ਯਾਤਰੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਕੇ ਦੂਜੇ ਕੋਚਾਂ ਵਿੱਚ ਸ਼ਿਫਟ ਕੀਤਾ। ਸੂਚਨਾ ਮਿਲਦੇ ਹੀ ਫਾਇਰ ਬ੍ਰਿਗੇਡ ਮੌਕੇ 'ਤੇ ਪਹੁੰਚੀ ਅਤੇ ਅੱਗ ਬੁਝਾਉਣ ਦਾ ਕੰਮ ਸ਼ੁਰੂ ਕੀਤਾ ਗਿਆ।